Գիտնականները պարզել են՝ արյան որ խմբի դեպքում է քաղցկեղի հավանականությունն ավելի ցածր

Շվեդիայի Կարոլինյան ինստիտուտի գիտնականները պարզել են, թե արյան որ խմբի դեպքում է քաղցկեղով հիվանդանալու հավանականությունը ամենացածրը:

Ուսումնասիրությունը սկսվել է մոտ կես դար առաջ՝ հետևելով Մեծ Բրիտանիայի կլինիկաներում բուժվող հիվանդների առողջական վիճակին: Ինչպես գրում է medikforum.ru-ն, 35 տարվա ընթացքում գիտնականները հետազոտության համար ուսումնասիրել են ավելի քան մեկ միլիոն հիվանդի տվյալներ:

Գիտափորձերի արդյունքում պարզվել է, որ առաջին խմբի արյուն ունեցողների մոտ շատ ավելի հազվադեպ է քաղցկեղ հայտնաբերվում, քան մյուսների մոտ:

Գիտնականները պարզել են, որ երկրորդ խմբի արյուն ունեցող մարդիկ ավելի հաճախ հիվանդանում են ստամոքսի քաղցկեղով, մինչդեռ ենթաստամոքսային գեղձի քաղցկեղով հիվանդանալու առավել մեծ հավանականություն ունեն երկրորդ ու երրորդ խմբերի արյուն ունեցողները:

Մասնագետները վստահեցնում են, որ չարորակ ուռուցքների առաջացման հիմնական պատճառներն են ալկոհոլը ու ծխախոտը, ինչպես նաև ոչ ստերոիդային հակաբորբոքային միջոցների գործածությունը:

Նյութի աղբյուրը` Yelaket.am

 

Like this post? Please share to your friends:
Prends ta pause