Արցախում քաղաքացին նռնակ է նետել մեկ այլ բնակչի առանձնատան ուղղությամբ. վնասվել է տանիքն ու բաղնիքը

Արցախի Մարտունի քաղաքի փողոցներից մեկում նախօրեին 33-ամյա բնակիչ Ն. Ղ.-ն նռնակ է նետել Ա. Ա. -ի առանձնատան ուղղությամբ, որի արդյունքում այն պայթել եւ վնասել է տանիքն ու բաղնիքը: Քաղաքացին բերման է ենթարկվել ոստիկանության շրջանային բաժին: Այս մասին NEWS.am-ը տեղեկանում է Արցախի ոստիկանության ֆեյսբուքյան էջից։

«Ապրիլի 5-ին ժամը 20:40-ին Մարտունի քաղաքի բնակչից հաղորդում է ստացվել, որ Գարեգին Նժդեհի փողոցում նռնակ են պայթեցրել:

Ոստիկանության շրջանային բաժնի պետ Ս. Դանիելյանի գլխավորությամբ մեկնած օպերատիվ խումբը պարզել է, որ նույն օրը ժամը 20:35-ի սահմաններում, Մարտունի քաղաքի 33-ամյա բնակիչ Ն. Ղ.-ն նռնակ է նետել Ա. Ա. -ի առանձնատան ուղղությամբ, որի արդյունքում այն պայթել եւ վնասել է տանիքն ու բաղնիքը:

Ն. Ղ.-ն բերման է ենթարկվել ոստիկանության շրջանային բաժին:

Դեպքի հանգամանքները պարզվում են:

Ստուգմամբ զբաղվում է ոստիկանության Մարտունու շրջանային բաժինը»,– ասվում է հաղորդագրության մեջ։

Աղբյուրը՝ news.am։

Понравилась статья? Поделиться с друзьями: