«Քույրիկ ջան, ոնց որ հոգեբան լինես». արցունքաբեր գազով «զինված» տաքսու վարորդ Թամարան (Photo)

Տաքսու կին վարորդի Երևանում հաճախ չես հանդիպի։ Առավել ևս մեկին, ում հետ ճանապարհ անցնելուց հետո տուն հրավիրելու ցանկություն է առաջանում։ Sputnik Արմենիայի թղթակցի մեքենայի հերթական պատվերն այս անգամ ավարտվեց վարորդ Թամարայի հետ ծանոթությամբ։

Հավելվածներից մեկով պատվիրում ես տաքսի. անձրևի տակ կանգնած անհամբեր սպասում` մեքենայի ու վարորդի հարցում այս անգամ բախտդ կբերի՞, թե՞ ոչ ։ Մեկ էլ մոտենում է սիրունիկ, մաքուր արծաթագույն մեքենա (հեղ. ներեցեք, մեքենաները միայն գույներով եմ տարբերակում). արդեն խոստումնալից է։ Դուռը բացում ես, մի քանի կաթիլ քիչ թրջվելու հույսով նետվում մեքենայի մեջ ու բարևիդ ի պատասխան կնոջ ուրախ ձայն լսում։ Թամարա Կապրելյանն է՝ Հայաստանում տաքսի վարող հազվադեպ կանանցից մեկը։

Մասնագիտությամբ տնտեսագետ է, աշխատել է տարբեր ոլորտներում, հիմա էլ անշարժ գույքի առուվաճառքով է զբաղվում, աշխատանքից հետո էլ նստում է մեքենայի ղեկին ու երկրորդ գործին անցնում։ Նրա հետ ճանապարհի երկարությունը չես զգում, խցանումները չեն նյարդայնացնում, որովհետև տպավորություն է, թե հին բարեկամիդ ես հանդիպել, վաղուց չէիք խոսել, հազիվ հարազատաբար զրուցելու առիթ է ստեղծվել։

այստեղ

Понравилась статья? Поделиться с друзьями: